ටිකිර හා කැකුළි ගේ ආදර අන්දරය 20

 

 කවි කතාව

 

 

පසුගිය කොටසෙන්.................

සැතපෙන විටදි  ඔහු ගේ පුළු'ලුර         තලයේ
සඳවති සෙමිනි නුබ යහනාවට            වැඩියේ
හද සැරිසරයි ආදර ගඟුලෙහි              රිසියේ
මදනළ පවා නැත හැමුවේ කඩි            මුඩියේ

20 කොටස  

රන් දහදියෙන් පෙඟි හැඩි දැඩි      තරුණවිය 
දැක් මෙන් ඇය හදේ ආලය             ජනිතවිය
මින් පෙර නොවිදි ලෙස දිවියම        මිහිරිවිය
පෙම් ආලිංගනෙන් සියොලඟ           සලිතවිය 

නොනැවති ඉදිරියට යනු මිස නිම         නොවන
අඹුසැමි දෙමල්ලෝ සතුටින් දිවි              ගෙවන
නොමියෙන පෙමින් හද දොරගුළු හැර     දෙවන
 සෙනෙහයෙ කැදැල්ලකි සුරලොව සිරි   ගෙනෙන

දසඅත පැතිර එන ගිගුරුම්  හඬ           අස්සේ
රුදු සැඩ සුළං හැමු රෑ තුන් යම           තිස්සේ
ඉකියද සෙමින් මෝදුව එන  මහ          වැස්සේ
ඇය පැල්පතේ ඔහු හේනේ හද             ගැස්සේ

සහජීවනය සාමය එක් කර                    සැදුනු 
සැමියගෙ හැඟුම් බර රැකවරණය           රැදුනු
අතු පැල්පතේ දිව රෑ උණුසුම                 පිරුනු 
සෙනෙහස මතු කරයි ඇගෙ කුස තුල      වැඩුනු 

මතු සම්බන්ධයි......

👈19 කොටසට

👉21 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.