දියණිට සුබ උපන්දිනයක් වේවා - (ශනිදා දහයට)

දිවිමන් තලාවට නව අරුතක්              කැන්දු

හැඟුමන් කැටිවු මව් සෙනෙහෙට නම   රැන්දු

පැතුමන් තුළට බර දී හදවත               බැන්දු

මුතුවන් දෙනෙත දුනි දිවියට අම           බින්දු

දියණිය අපේ නිවසට පායපු                තරුව

පුදදුණි හදේ සෙනෙහස සැමටම          ගරුව

විසිරුණි දැනුන සෝ දුක කඳුළක         දැරුව

ලැබදුනි සවිය පැදයන්නට දිවි              ඔරුව

 

මේ දිවි ගමන අප ගෙවනා රඟ           හලකි

ඒ මත රඟපු ඔබ මැව්වේ රස             ගුලකි

රෑ කළ අඹර මත දිදුළන පුන්              සඳකි

මා ලද මහඟු සම්පත මගෙ දුව           මලකි

~~ ලියෝනි අමරතුංග - හැමිල්ටන් ~~

~*~*~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.