පැතුම
සීත මීදුම් සුළඟ අතරින් සෙමින් සවනට කොඳුරලා
කීව රස පෙම් කතා එසඳෙහි තාම හදවතෙ සිරවෙලා
රෑක සිහිනෙන් පාවෙලා විත් යහන අද්දර සැතපිලා
ආස හිතෙනව යලි ගයන්නට නොගැයු ගීතය ගුලිවෙලා
~~ ලියෝනි අමරතුංග ~~
~~~~~~
සෙනෙහස
~~ ලියෝනි අමරතුංග ~~
~~~~~~
මියැදුනු සෙනෙහස
මෙතෙක් කල් දුර ගෙවා ආවෙ ඔය අත පතා
කොතෙක් තව දරන්නද අතීතයෙ කියු කතා
ඇතෙක් බර සුසුම් පා කෙරුවෙ ඉවසමි සිතා
එතෙක් නිහඬව සිටිනු කෙසේ කවි ගොත ගොතා
හිතෙත් මහ මෙර උසට පැතුම් ඇත රස පතා
ලතෙත් හදවත රිදුම් දෙයි පහස ගැන සිතා
නෙතෙත් කඳුලැලි ලිහී ගතු කියන කල ඉතා
ගතෙත් එඩි සිඳී මියැදුනා දළුලන ලතා
( රවුළු ඡන්දස - වියන් විරිත ඇසුරෙන් )
~~ ලියෝනි අමරතුංග ~~
~~~~~~
විරිතේ ස්වභාවය එලු සඳස් ලකුණෙහි අර්ථ ගන්වා ඇති යුරු..
විසි මතෙකින් බඳ
ලුහුගුරු නියම් නැති කොට
වියන් නම් විරිත් වේ
නිදසුන් මෙසේ දන්නේ
මිහිරි වේදනා
( රවුළු ඡන්දස - වියන් විරිත ඇසුරෙන් )
~~ ලියෝනි අමරතුංග ~~
~~~~~
විරිතේ ස්වභාවය එලු සඳස් ලකුණෙහි අර්ථ ගන්වා ඇති යුරු..
විසි මතෙකින් බඳ
ලුහුගුරු නියම් නැති කොට
වියන් නම් විරිත් වේ
නිදසුන් මෙසේ දන්නේ
බිඳුණු පෙම
රුවින් පිබිඳුන නුරා කුසුමකි කලතමින හද පතුල සිදුරූ
ඉතින් කෙලෙසක හදා ගමි සිත බිඳ ලමින නුඹ තැනුව පවුරූ
ගිලන් සිතුවිලි දරා තෙරපෙන තනි රකින ඉකි කැලතු සයුරූ
දුකින් වැලපෙන නෙතින් සමුගෙන මිහිකතට ගතු කියන අයුරූ
( මදු ඡන්දස - පුණුඅතිපුණු විරිත ඇසුරෙන් )
~~ ලියෝනි අමරතුංග ~~
~~~~~~
විරිතේ ස්වභාවය එලු සඳස් ලකුණෙහි අර්ථ ගන්වා ඇති යුරු..
අටවිසි මතන් ලා
බඳ පුණුඅතිපුණු නම්
දනු තුදුස් සඳසෙහි
විරිත් නිදසුන් සැකෙවින්.
පෙමක මහිම
හිරු සදිසි නුබ සරසනා
හිමි නිබඳ දිවි පුබුදනා
තුටු කඳුළු නෙතු පොපියනා
මුතු අහුරු මෙනි දිළිසෙනා
ගුණ සුවඳ හද පතුරනා
නැත කෙනෙකු නුඹ සමවනා
පෙර සසරෙ සිට ගෙනඑනා
හුරු පුරුදු බව වැටහෙනා
රස මුසුව දිවි කලතනා
ලැබු පිනකි ඔබ හිමිවුනා
මතු සසරෙ වුව හමුවනා
සුබ පැතුම හද තෙරපෙනා
( උතු චන්දාස - සුරමත්වැල විරිත )
~~ ලියෝනි අමරතුංග ~~
එලු සදස් ලකුණ විරිත හඳුන්වා ඇති ආකාරය
සමමතෙයට වසම්
ලකුණු දුට සුරමත්වැල
රහස ඇසුනිද මගෙ හිමි සඳට
ඇසල සඳට සුමට
බිඳුනි ගණ අඳුර අවට
පැවසු සෙනෙහෙ දවට
රහස ඇසුනිද මගෙ හිමි සඳට
( මහපියුම් විරිත අසුරෙන් )
~~ ලියෝනි අමරතුංග ~~
~~~~~~
සඳට පෙම් බැඳ ..
උපුල් නුවන් විදා මුවේ සිනා නගා සුරපුරෙනි බැස
සුපෙම් හැඟුම් මවා සෙනේ පතා හිදී සුරලියක වෙස
රුවින් රසින් නුරා පෙරා දොවා දිලේ මලට පිණි ඉස
බලන් අහස් තලේ වෙලී සුවේ දෙනා සොඳුරු සඳ දෙස
එදා මෙදා තුරා දැරූ සුවේ සැදූ සිහිලැල් රහස
සදා රැඳේ හදේ පිදූ සෙනේහයේ හිරිමල් පහස
දියේ පිපී දිලේ නුරා සිනා සලා තඹරුන් පලස
වෙලී ඉමූ භවේ පුරා අපේ වෙලා විඳිමින් මෙලෙස
එබේ ගුවන් ගැබින් දුහුල් වලා ඉරා සුවසේ නිදන
පසේ ඉදන් රඟත් තුටින් පිපී රිදී තරුසේ රුවින
මුදා සොවින් තෙපුල් දෙමින් මවා හදේ සෙනෙහේ පහන
ඔයා සෙමින් වසන් වෙමින් බිඳී මගේ සයනේ සිහින
( මී ඡන්දසට අයත් " පමදා විරිත " ඇසුරෙන් )
~~ ලියෝනි අමරතුංග ~~
එලු සදස් ලකුණ විරිත හඳුන්වා ඇති ආකාරය
ද ගණ ගුරින ද ගණ
ගුරින් ද ගණ ගුරුනෙන්
සත් මතෙකින් එළි සම
විසිපස්නි පමදා නම්
රන් කඳ මාගේ
කෝමළ රන් කඳ මාගේ
නාඹර බැල්මකි පෑවේ
මා ළය චන්චල වූයේ
රෑ දුටු සීනෙක වාගේ
විල් තෙර ලස්සන වූවේ
නිල්මිණි කැල්මට ඈගේ
රන් පැහැ අස්වනු පීදේ
බක් නැකතින් ලැබ ජීවේ
කැන්දන යන්නට ඕනේ
පැල්පත දෙන්නට සෑහේ
හිත්තුල දිස්වෙන ආලේ
පෙන්වමු මල්බර කාලේ
( අනුෂ්ටුප් ඡන්දස ට අයත් චිත්‍රපදා විරිත ඇසුරෙන් )
~~ ලියෝනි අමරතුංග ~~
මෙය සිලෝ විරිතකි.
පාදයක් "බ" ගණ දෙකක් සහ පාදාන්තය ගුරු දෙකකි (වර්ණ 8කි )
මෙයට එළි සමයක් අවස්‍ය නොවේ.
කවි කතාව
පසුගිය කොටසෙන්.................
ඉඳුනිල මගේ යහ ගතිගුණ පිරුණ ඉතා
කිසිදින කෙනෙකු ගෙන් නපුරක අයුතු කතා
අහගනු නොදී නිවසෙහි රන් පහන සිතා
රැකගමි ඔවා දෙමි දියුණුවෙ අසිරි පතා
24 කොටස
(අවසාන කොටස)
නිමි.
~~ මම ලියෝනි අමරතුංග ~~
2022 වසර ජූනි මස 24 දින.
කැනඩාවේ සිට.
~~~~~~
කවි කතාව
පසුගිය කොටසෙන්.................
ගෙවුනද යුග දිවිය හැල හැප්පිලි මැද්දේ
නිම කල නොහැකි මිහිරකි තුන් සිත ලද්දේ
නැත ඉවසුමක් තෙරපෙන සිතිවිලි මැද්දේ
මතු දින අපේ නිවහනෙ තොටිලක් පැද්දේ
23 කොටස
මවපිය යුවලගේ සිතුවිලි හොඳ අතට
හැරෙමින තියෙයි එය වෙයි දිවියෙහි සතුට
බිළිදිය කෙරෙහි සෙනෙහස මහමෙර උසට
පවුලම එකළු විය ලැබ සැම දෙවි පිහිට
මෙතුවක් දිවි ඔරුව පැදගිය නමුදු ඔහේ
එළියක් ලැබ දියණි දොඩනා සිඟිති බහේ
අරුතක් දෙනු රුචිව පිපි පෙම් කුසුම ඉහේ
වෙනසක් විය මගේ සිතිවිලි පහුණු දොහේ
බිලිඳිය නිදයි තොටිලයෙ කිරි සිනහ මැද
සුරසඳු ගීත මුමුණයි ඉහ කොනෙහි ඉද
හනිකට නළල සිඹ උයනා ගෙයට වැද
පිළියෙල කරමි ම'අතින් තුන් වේල අද
ඉඳුනිල මගේ යහ ගතිගුණ පිරුණ ඉතා
කිසිදින කෙනෙකු ගෙන් නපුරක අයුතු කතා
අහගනු නොදී නිවසෙහි රන් පහන සිතා
රැකගමි ඔවා දෙමි දියුණුවෙ අසිරි පතා
මතු සම්බන්ධයි......
~~ ලියෝනි අමරතුංග ~~
~~~~~~
කවි කතාව
පසුගිය කොටසෙන්.................
නැන්දගෙ කපටි අරමුණු ඇත ඉෂ්ටවෙලා
ඉන්නා තැනත් ඇත යමෙකුට සින්නවෙලා
සන්සුන් සිතින් නිවසින් පිට වෙන්නවෙලා
දොස් නගනුයේ කිම අපි දැන් නෑයොවෙලා
22 කොටස
මතු සම්බන්ධයි......
~~ ලියෝනි අමරතුංග ~~
~~~~~~
කවි කතාව
පසුගිය කොටසෙන්.................
මෙම බස අසා නැන්දත් නැත පසු බැස්සේ
මගෙ ඇති වැරදි කීමට සැරසිය සිත්සේ
දුවගෙන ආපි ගම්මුන් එකිනෙක පස්සේ
සමහර ඈයො උන්දැට ණයටයි කැස්සේ
21 කොටස
මතු සම්බන්ධයි......
~~ ලියෝනි අමරතුංග ~~
~~~~~~
කවි කතාව
පසුගිය කොටසෙන්.................
නැන්දම්මගේ උගුලෙහි සැම දෙන ඇලුනා
රස්සාවකුත් නැති කොළුවට දුව ලැබුනා
අම්මගෙ උගුලෙ නැන්දත් සිරවිය සොඳිනා
පුත් කුමරාට වැඩ බැරි බිරිඳක අමුණා
20 කොටස
මතු සම්බන්ධයි......
~~ ලියෝනි අමරතුංග ~~
~~~~~~
කවි කතාව
පසුගිය කොටසෙන්.................
දැන් දැන් සියළු පාලනයන් ඔහුගෙ වගේ
ඉන්නේ ගෙදර රැකියාවක නොමැත අගේ
"යන්නේ නැතිද ඔපිසිය වෙත අයිය මගේ"
කිව්වේ මමත් ඉවසල බැරි තැනයි නගේ
19 කොටස
මතු සම්බන්ධයි......
~~ ලියෝනි අමරතුංග ~~
~~~~~~