පෙර මඟ බලා සිටිමි

 

පෙර මඟ බලා සිටිමි. 

 
සෙනෙහස නිසා රැඳුනේ නුඹ              පහසේම
මුහු වී ගියේ හදවත් රන්                    රසසේම
හැර ගිය ඔයා ඒවිද හොර                  රහසේම
එන මඟ බලා සිටියා මා                   පෙරසේම

හද පතුලෙන්ම පුබුදා නුපුරුදු                හැඟුම 
පියඹා ගොසිනි නැත පැතුවේ නම්          එහෙම
කෙලෙසක විඳිමි දැනෙනා පාලුව          මෙහෙම
නෙතු බොඳ කෙරේ තුන්සිත වාවනු    කොහොම

 

~ ~ ලියෝනි අමරතුංග ~ ~ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.

 

එය මෙසේ සිදුවුණි

 

පිවිතුරු මල් වලට
විසිතුරු පාට මුහු  කොට
හැඩ දමල  කදිමට
මියුරු තනුවට සැලෙයි සුළඟට

බඹරුන් රොන් බිඳට
ලොබ වී ඇදෙයි හනිකට
පරවු කල අකලට
වහා පියඹයි තවත් මලකට

සෙනෙහස බිඳුන දින  
නිලුපුල් නුවන් යුග කොන 
උණු කඳුළු මතු වන 
ගතු කියයි මිහිකතට, සිඹිමින

ලොව සොභා දහමට    
නතු වී තිබෙයි සැමවිට
දිවිය ජය  ලැබුමට  
වෙහෙස වනු මැන නොවී පසුබට

( මහ පියුම් ගී විරිත)
~ ලියෝනි අමරතුංග ~

හිත තුළ තෙරෙපෙයි රහසක් ......

 හිත තුළ තෙරෙපෙයි රහසක් ......

නිදි නැති රෑ තුන්යම නෙතු බොඳ කර දුක    වින්දා
යලි හෙට දිනයෙත් හමුවී දොඩමළු වෙන     හින්දා
හිත තුළ තෙරපෙයි රහසක් කිවයුතු දැයි      මන්දා
හිරු පිබිදෙන උදයේ දුටු රුව මා මන           බැන්දා

~ ~ ලියෝනි අමරතුංග ~ ~ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.