කවි කතාව
පසුගිය කොටසෙන්.................
මනමාලයද උගතෙකි ගැලපෙන ඇයට
නගරේ විසල් ආයතනෙක යන වැඩට
වටිනා වාහනය දිළිහෙනු ඇත රතට
අඳිනා පිළිද පවසයි ඔහු ගැන ලෙසට
7 කොටස
වැඩිහිටි දෙපලගේ සැලසුම අනුව යත
අඩුවැඩි සියළු සකසා තුට ගෙනෙන සිත
හැඩ වැඩ වෙලා සත් මාලා පැළදි කත
නැකතට පිය නගයි සුදු පාවාඩ මත
ගමටම කියා ජයටම අරගෙන මඟුලක්
නෙක විධ කැවිලි පෙවිලිද නොම කර අඩුවක්
ලොකු පොඩි මහළු සැමටම ගෙනෙමින සතුටක්
වෙහෙසව ගෙවෙන දිවියට ලැබදුනි වෙනසක්
සිටි එක දරුව මව් පිය හට නොවන ජඩ
හැඩි දැඩි සිරුර පෙන්වයි ඇති සැපක හැඩ
ඇඹණිය සමඟ ආදරයෙන් කෝප මැඩ
වැඩි දියුණුවට උර දෙයි ලැබු විටදි ඉඩ
ගුරු මව් පියන් ගේ දිවියෙහි නව පිටුවක්
ලියමින් ඉසුඹු දිවි පිවිසිය නැත වරදක්
ගැමියන් නිවස වෙත සපැමිණ එක සවසක්
සතුටින් විසිර ගියෙහිය පුද තුති කුසුමක්
දවසෙහි වැඩ නිමව එන දියණිගෙ සැමියා
සෙනෙහස පවුලෙ සැමටම බෙදමින සිටියා
එය දැක මව පියගෙ නෙතුකොන නිති කකියා
වැගිරිය තුටු කඳුළු කිසිවෙකු හට නොකියා
මතු සම්බන්ධයි......
WOW ඒක ලස්සනයි, හැම කවි කාණ්ඩයකින්ම නෙක ලස්සන රූප මැවෙනවා. ජය!
ReplyDeleteබොහොම ස්තූතියි ගල් මල්. ඔබගේ ප්රතිචාරයට. කවි කතාව ලෙසටම රස විඳින බවක් තේරිලා සතුට ඉහ වහා ගියා.
Deleteහරිම ලස්සනයි පෙලගැස්ම.
ReplyDeleteජයවේවා !!!
බොහොම ස්තුතියි දුමින්ද. හැමදාමත් වගේ දෙන වටිනා ප්රතිචාරයට.
Deleteපිවිසී පති-පතිනි විජිතෙට සන්තෝසෙන්
ReplyDeleteකල් ගෙව්වාද ඒ දෙන්නා කිරි-පැණි මෙන්?
බොහොම ස්තුතියි නිදි ඔබගේ ප්රතිචාරයට.
Deleteඑකට පිළිතුරු හොයා ගන්න නම් දිගටම රැඳිලා ඉන්න කියලා මම ආරාධනා කරනවා.
මේ ඔයා ඇත්තටම ගිය මගුල් ගෙයක් ගැනද ලියල තියෙන්නේ
ReplyDeleteබොහෝම ස්තුතියි අජිත් මේ පැත්තේ ආවාට. මම මඟුල් ගෙවල් වලට නම් ගොඩාක් ගිහිල්ල තියෙනවා. එත් මේ මඟුල නම් මගෙ මනසෙ ඇඳුනු එකක්.
Deleteඔක්කොම හොඳට වෙනවනේ. කොතනින් අවුල පටන් ගනියිද? ඉඳල බලමු.
ReplyDeleteබොහෝම ස්තූතියි Litseeker ඔයාගේ ප්රතිචාරයට. ඔව් ඔව් ඉඳලා බලමු. අවුලක් වෙන්නත් පුළුවන් නොවෙන්නත් පුළුවන්.
Deleteබලං ඉමු ඉතින් කසාඳ ගැන අනාවැකි කියන්න ඉක්මන් වෙන්න හොදනෑ
ReplyDeleteබොහොම ස්තූතියි සඳවතී ඔයාගේ ප්රතිචාරයට. ඔව් ඔව් කිසිම දෙයකට ඉක්මන් වෙන්න නම් හොඳ නෑ.
Deleteමේ කථාව ගලා යන්නේ අපිව ඊට ගැට ගහලා! දැන් තව සතියක් බලා හිටපල්ලකෝ!
ReplyDeleteබොහෝම ස්තූතියි මේ පැත්තෙ ආවාට සහ ඔබගේ ප්රතිචාරයට. අනේ...... සතියක් බලාගෙන ඉන්න ඉතින්. මම එන්නම් ආයෙ ශනිදා දහයට.
Delete
ReplyDeleteහරිම ලස්සනයි.... +++++++++++
බොහෝම ස්තූතියි ඔබගේ ප්රතිචාරයට. අලුත් පෙනුමක් ලැබිලා තියෙන්නේ කාලෙකට පස්සේ. ඒ වෙනසත් අපූරුයි.
Delete