පෙර මඟ බලමි
නොසිතු ලෙස ඔබ පිටවුනි
හදගැබ කැලඹුණි
නෙතු යුගෙහි උණු කඳුළ රජවුනි
කිමද ඇදුනේ වෙනතක්
සුළු හෝ වරදක්
වුනිද කිවමැන මගෙන් මෙතුවක්
ඇදුනු පසු ගව් ගණනක්
සෙනෙහයෙ ලකුණක්
වැඩුනි කුසතුල ලදිමි සතුටක්
පොරකති බඹරු මලවට
සැඟවිල වසනට
දැරුව තැත නොම දනී රට තොට
පිවිතුරු කමද රැකගෙන
පුතු තුරුලට ගෙන
දිවිය තරණය කලෙමි කඳුළින
නිම කර සතර නිසිකල
දකිනට හසරැළ
දුනිමි ඔවදන් මැදින කඳුළැල
පිටවිය කාර බඳිමින
ලැබ දූ දරුවන
වෙසෙන බව දැනගතිමි නිදුකින
දසතින් ලබත් ගැරහුම
හදගැබ රහසෙම
සතුට සමරයි ලැබුව ජයබිම
වාගෙම තනිවු සඳවත
සීනය විකසිත
ඒවි කියලයි මගේ රන් පුත
දකිනු රිසි යලි එන දින
අතැඟිලි ගනිමින
බලමි පෙරමඟ බොඳවු දෙනෙතින
( පියුම් ගී විරිත ඇසුරෙනි )
~~ ලියෝනි අමරතුංග ~~
~~~~~~
ඇය හැරදා ගිය ඔහු ගේ පාපොච්චාරණය 👉