යුද හමුදාවේ සේවය කරන සොහොයුරා තම සොහොයුරිය වෙත ලියූ ලිපිය......
දයාබර නැගණිය වෙතයි,
3 කොටස
~~
පසුගිය කොටසෙන්.....
සිතුවම් මැවෙනවා යලි යලි සිහිනපුරා
මනසින් දුවනවා වෙල් එළි කමතපුර
පුන් සඳ එළියෙ පිළ මත හිද තරු ගනින
අප්පච්චිගෙ කතා සවනට රස මවන
අම්මගෙ බත් ගුලිය කන්නට පොර බඳන
පින්බර කැදැල්ලේ ඇත සුව හිත පිරෙන
සඳ එළියෙන් ඇඳෙන රූපන හරි අගය
ඇත හිත නඟන්නට සිතුවම එහි රඟය
බැහැ මඟ හරින්නට මගෙ සිතිවිලි දඟය
එවිටම මතක් විය ගිණි අවියද ළඟය
සිහි විය සටන් බිම වෙත පය තැබු දිනම
මගෙ එක පැතුම විය අප රට රැක ගැනුම
හෙළ අම්මාට සේවය කර මිය ඇදුම
සටනින් මගේ රට රැකුමට උර දෙනවා
ලබමින් විරාමය ළඟදිම ගම එනවා
විඳිමින් අසිරි වෙල් එළි සිරි නරඹනවා
නිමි.
~~~~~~~~~~
නැඟණියගෙ පිළිතුරු ලිපියෙන් හමුවෙමු.
යුද සමයේ ක්රියාන්විත රාජකාරියේදී දිවිපිදු කෝප්රල්, එම්.එච්.පී.සී ද සිල්වා, අංජු ද සිල්වා හා දිලු ද සිල්වා ගේ සොහොයුරාට උපහාර පිණිස පන්හිඳෙන් ගෙත්තම් කරන ලදි...
~*~*~
ඔබගේ අදහස් සහ ප්රතිචාර මගේ මීළඟ නිර්මාණයට විශාල ශක්තියකි.
සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/ බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.
