දෝණි 3 (ශනිදා දහයට)

කවි කතාව

පසුගිය කොටසෙන්.................

 තම දිවි තලයෙ කල වයසත් පසු          කරන

ලොකු පොඩි සැමට නෙක සහනය නිති බෙදන

ගම පන්සලේ දායක නිල තල                දරන

රජවරු වැනිය වැඩ සිටි හෙළ දිව        පුරණ

3 කොටස  

නිරතුරු ගමට එන කලු කඩ             මුදලාලි
ලොකු මුදලකට විකුණයි පොඩි බඩු      කෑලි
දෙසවන ගැටී ගම්මුන් පවසන             සෝලි
අහුරන ලදිය මඟ නොඑනට පැන          වේලි

වියැකෙන අතර කාලය තම දිවි           පලසේ
ඇත පෙර නිමිති පහලව ලොවටම       රහසේ
තුරුළට රැගෙන නැළැවිලි ගී පද          රසසේ
ගයමින ප්‍රීති වීමට බිරිඳක                 පැතුසේ

දිවි මං තලාවේ  වෙනසකි           ඇරඹෙන්නේ
පැතුසේ පුංචි ළදැරියකිය             පිවිසෙන්නේ
සැමගේ සෙනෙහෙ සුව විඳිමින    සුරැකෙන්නේ
ඔප වී වැඩී යහගුණයෙනි             සපිරෙන්නේ

දැඩි ලෙස ගමට පෙම් බැඳි මෙම ගුරු     යුවල

සපථව අතැර නොයනා ලෙස බිම           සපල 

රැඳෙනට සිතයි සමඟින ගැමි දන           නිමල

මතුදින තමන් දිවි ගඟ වනතුරු              නිසල

ගම මායිමට වෙන්නට මිලදී                ඉඩමක්
නව ආරෙකට තනවා යස ගේ           පොඩියක්
කිරි උතුරවා නැකතට ගයලා               පිරිතක්
තිර සර විසුම විය සැම දනගේ           සතුටක්

මතු සම්බන්ධයි......

~~ ලියෝනි අමරතුංග ~~

👈 2 කොටසට

👉 4 කොටසට

~~~~~~

සේයාරූ අන්තර්ජාලයෙන් Google Images. - සියළු හිමිකම් මුල් හිමිකරුවන් සතුයි.