දෝණි 4 (ශනිදා දහයට)

කවි කතාව

පසුගිය කොටසෙන්.................

ගම මායිමට වෙන්නට මිලදී               ඉඩමක්

නව ආරෙකට තනවා යස ගේ          පොඩියක්

කිරි උතුරවා නැකතට ගයලා              පිරිතක්

තිර සර විසුම විය සැම දනගේ           සතුටක්

4 කොටස  

මව සහ පියා ගම පාසලෙ ශිල්ප             දෙන

අතරම දුවණි යැවුනේ නගරෙකට          වෙන

සවසට පැමිණ පාඩම් වැඩ නිමවු           තැන

දුව පැන නටයි මිතුරන් සැම එකෙකු      මෙන

ගම පාසැලේ දරු දැරියන් සිත              නිවන

දෙනිබිම අසල ඇති සහනය සුව           මවන

අරණෙහි ගත දැවටි සිහිලැල් මද          පවන

මන දොළ සතපවයි සරසා දිවි              බවන

වැඩිවිය පැමිණි දින මේ පින්බර             දුවනි

තුටුවිය ගමේ සැම ආදර හද               බැතිනි

නැකතට සියළු කටයුතු ඉටුකර         සොඳිනි

පැතුවනෙ ජයෙන් ජය සෙනෙහස පිරි    හදිනි

වෙහෙසව යොදා සිත කය තම දියුණ      ගැන

අහවර කළා දෙටු පෙළ දිවි විජය           ගෙන

වැඩි ඉගෙනුමට සරසවියට ඇතුළු            වන

දින නෙතු පොඟයි තුටු කඳුළින හදෙනි    පැන

ඉගෙනුම නිමා කර ඇය ඇත            පැමිණීලා

මව පිය දෙදෙන තුටු සයුරෙහි            කිමිදීලා

නිසි කල වයස ගිලිහෙනු පෙර         බොඳවීලා

හොඳ පෙළ වහක් කර දීමට            සැරසීලා

මතු සම්බන්ධයි......

~~ ලියෝනි අමරතුංග ~~

👈 3 කොටසට 
👉 5 කොටසට 

~~~~~~

සේයාරූ අන්තර්ජාලයෙන් Google Images. - සියළු හිමිකම් මුල් හිමිකරුවන් සතුයි.