සඳු එපා මගෙ ලොවට

සඳු එපා මගෙ ලොවට

මැවු සිහින පොද තාම තනි රකියි මගෙ            හදට
ළඟ දැවටි කියු කතා සිහිව එයි දැනි               පෙමට 
දින ගණන් මඟ බලා සිටිමි එන තුරු               පැලට
යලි දකින තුරු ඔයා මොටද පුන් සඳ             මෙමට

බැඳි සෙනෙහෙ බොඳ නොවෙයි සතුටකිය      ලන්වීම
යලි යලිත්  දකින්නට මඟ බලයි                  තුන්යාම  
නුඹ එදා මගෙ හිතත් රැගෙන ගිය                හින්දාම
ළය දවයි දරාගනු හැකිද මෙම                    වෙන්වීම

මටම පමණක් උරුම බවකි හද           කොඳුරන්නෙ
උණු කඳුළු බිඳු ඔහේ නෙතු කොනෙහි      නළියන්නෙ
අද හෙටම එයි කියා දුකද තුනි               කරගන්නෙ
මදනලක ඔතා එව් හාදුවයි                     එයදන්නෙ 

 

~~ ලියෝනි අමරතුංග ~~

~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.

 

 

ගීතාවලිය 91

 

ගීතාවලිය 91 : 1 - 16

1 මහෝත්තමයාණන්ගේ රහස් ස්ථානයෙහි වසන තැනැත්තේ සර්වපරාක්‍රමයාණන්ගේ සෙවණෙහි වාසයකරන්නේය.

2 උන්වහන්සේ මාගේ රක්ෂාස්ථානයය, මාගේ බලකොටුවය;  මා විසින් විශ්වාසකරන මාගේ දෙවියන්වහන්සේයයි ස්වාමීන් ගැන කියන්නෙමි.

3 මක්නිසාද උන්වහන්සේ පක්ෂි වැද්දාගේ මලපතින්ද විනාශකරන වසංගතයෙන්ද නුඹ මුදාහරිනසේක.

4 උන්වහන්සේ ස්වකීය පියාපතින් නුඹ වසනසේක, නුඹ උන්වහන්සේගේ පියාපත් යට ආරක්ෂාවන්නෙහිය.  උන්වහන්සේගේ සත්‍යවාදිකම පලිහක්ය, මහා පලිහක්ය.

5 රාත්‍රියේ භීතියටවත්, දවාලේ විදින ඊගසටවත්,

6 අඳුෙර් යන වසංගතයටවත්, ඉරමුදුන් වේලේ පාළුකරන විනාශයටවත් නුඹ භය නොවන්නෙහිය.

7 නුඹේ පැත්තක දහසක්ද දකුණු පැත්තෙහි දසදහසක්ද වැටෙන්නෝය;  එහෙත් එය නුඹට ළං නොවන්නේය.

8 නුඹේ ඇස්වලින් බලා, දුෂ්ටයාගේ විපාකය දකිනවා පමණක්ය.

9 මක්නිසාද ස්වාමිනි, ඔබ මාගේ රක්ෂාස්ථානයය.  නුඹ මහෝත්තමයාණන් නුඹේ වාසස්ථානය කරගත්තෙහිය;

10 නුඹට කිසි නපුරක් නොපැමිණෙන්නේය, නුඹේ කූඩාරමට වසංගතයක් ළං නොවන්නේය.

11 මක්නිසාද නුඹේ සියලු මාර්ගවලදී නුඹ ආරක්ෂාකරන පිණිස උන්වහන්සේ ස්වකීය දූතයන්ට නුඹ ගැන අණදෙනසේක.

12 ඔව්හු නුඹේ පය ගලක නොවදින පිණිස ඔවුන්ගේ අත් පිට නුඹ උසුලා ගන්නෝය.

13 නුඹ සිංහයාත් පොළඟාත් පාගන්නෙහිය.  තරුණ සිංහයාත් සර්පයාත් පයින් පාගන්නෙහිය.

14 ඔහු මා කෙරෙහි ඇලුම්වූ බැවින් ඔහු මුදාහරින්නෙමි.  මාගේ නාමය දැන සිටින බැවින් ඔහු උසස්කරන්නෙමි.

15 ඔහු මට යාච්ඤාකරන්නේය, මමද උත්තරදෙන්නෙමි; දුකේදී ඔහු සමග සිටින්නෙමි.  ඔහු මුදා ගෞරවයට පමුණුවන්නෙමි.

16 දීර්ඝායුෂයෙන් ඔහු සෑහීමට පමුණුවා, මාගේ ගැළවීම ඔහුට දක්වන්නෙමි.

ගීතාවලිය
ශුඩවූ බයිබලය.

ඉවසිලි සිත

 

 ඉවසිලි සිත

කෙලෙස දුක ඉවසමිද හදෙහි දොරගුළු       වසා
මතක පොත අතර මඟ පිටු පෙරළ තැබු    ලෙසා
කඳුළු බිඳු නෙත රැඳෙයි තනි නොතනි බව  නසා
නිහඬ බව විඳ ගනිමි අපි අපිට දුර            නිසා

~~ ලියෝනි අමරතුංග ~~

~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.