අයියාගෙ ලියමන 1

 යුද හමුදාවේ සේවය කරන සොහොයුරා තම සොහොයුරිය වෙත ලියූ ලිපිය......

දයාබර නැගණිය වෙතයි, 

1 කොටස
~~

නැගණියෙ ඔබ සැවොම අදරින් සිහි කරමින්
වෙහෙසව ලියමි පද සිතිවිලි දිඟ      හරිමින්
 ලතවෙයි තුන්සිතම පාළුව තනි        රකිමින් 
සුසුමකි මුදා හැරියේ ළය           හකුළුවමින්

පෙරදින මියුරු ගී රස විඳි මගෙ         සවන 
දෙදරයි වෙඩි හඬට නෑ සිත තුළ        සහන
වෙනුවට සුරත දැරු පන්හිඳ කවි        මවන
    රජවිය ගිණි අවිය මිතුරකු ලෙස       කලණ     

හසුනක අකුරු  අමුණන්නට නැත      නිවන
බියකරු රැයක හද ඔත්පල වෙයි       නිතින
සිසිලස මවන ගත සනහන තුරු       සෙවන
සිහිවන විටදි දිව එන්නට මට            සිතින 

මනසින් වදන් ගලපන ඒ හැම             වාරේ

සැනකින් බිඳී විසිරී හදවත                 පෑරේ

පියමන් කරන සඳ ගන බඩ වැටි         තීරේ

  රහසින් මුමුණනා පද වැළපෙනු          තෙරේ 

 

 

මතු සම්බන්ධයි.........

~~ ලියෝනි අමරතුංග ~~

2 කොටසට  👉

~~~~~~~~~~

යුද සමයේ ක්‍රියාන්විත රාජකාරියේදී දිවිපිදු කෝප්‍රල් ,එම්.එච්.පී.සී ද සිල්වා, අංජු ද සිල්වා හා දිලු ද සිල්වා ගේ සොහොයුරාට උපහාර පිණිස පන්හිඳෙන් ගෙත්තම් කරන ලදි...

 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.