ඔබ මට වාසනාවන්

 
සෙනෙහෙන් සැදුම් ලත් අමයුරු මියුරු  තෙද
හැඟුමෙන් ලයට තෙරපී සුව විඳින         ලද
පැතුමන් එතී ආ මිහිරක අරුම              පද
අතරින් තෙපුල් දිය දිවියට අරුත          බැඳ

තවමත් එදා මෙනි වෙනතක නැති      බැඳිලා
සතුටක් වෙසින් රජ වෙන සෙනෙහයෙ  එතිලා
සහසක් පැතුම් තෙරපෙයි හද විල       පිපිලා
මදහස් මුවින් කොඳුරයි ඔබ මගෙ      කියලා

ලඟ දැවටෙමින බිඟු ලෙස සියුමැලි     මලට
දුක හා සැපත සම ලෙස මුසුකර       පෙමට
හද නැඟි සුසුමකින් දී උණුහුම           බරට
වෙනු මැන වාසනාවන් අද වගෙ        හෙටට

~~ ලියෝනි අමරතුංග ~~

~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.