සුළඟ - (ශනිදා දහයට)

 

සිත සෙනෙහෙ විඳිමින 

මඟ තොරතුරුද අසමින 

සොමි රුව සිතෙහි දරමින 

ඇවිද යමි නුඹ සොයමින 

මද සිසිල දනවන 

හදවතද නිති සරසන  

දෙකොපුල මතෙහි නැළවෙන 

කියඹු වැල මත එතෙමින 

මුවද සිප ගෙන ඇති 

දෙතොලෙහි රසය විඳ ඇති 

නමුදු මට නුඹ හිමි නැති 

ලොවෙහි තනිවෙමි මම නිති 

නුඹ ට තුරුලුව සිට 

යන එන ගමනෙ සැමවිට 

ළඟම නිති සුව සැදුමට 

සිටිමි එයමය මගෙ තුට 

නොයනු යලි අතහැර 

නසනු මැන හද කළුවර 

පිදුවිට සෙනෙහෙ ගරුසර 

පහව යත දුක පපුතුර 

(  'යහ ගී'  විරිත ඇසුරෙන්)

විරිතේ ස්වභාවය

* මෙහි මාත්‍රා පිහිටීම  9,  11, 11, 11 වශයෙන් වෙයි. 

* මෙම විරිතෙහි විශේෂම ලක්ෂණය නම්, විරිත සඳහා යොදා ගන්නා      සියලුම අක්ෂර ලඝු අක්ෂරම පමණක් වීමය....

* එළිසමය යෙදීම අවශ්‍යම නැතිමුත්, එසේ කිරමෙන් කවියට අලංකාරයක් එක් කරයි. 

~~ ලියෝනි අමරතුංග - හැමිල්ටන් ~~

~*~*~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.