රන් මැණිකේ ( ශනිදා දහයට)

මන් පොඩි කල ගම මායිමෙ දිය පිරි නිල්     දොළකී

ඉන් අද්දර තිබු අප නැණ පැහැදුව සිප්          හලකී

රන් තරු සේ දුව පනිනා දරු පැටවුන්            රැසකී

ම​ල් මැණිකේ නුඹ ඒ මැද රඟදුන් පුන්             සඳකී

සල් සපු නිල් මානෙල් පිපි කුසුමන් නැත        අඩුවක්

නිල් අහසේ රඟ දෙන විහඟුන් පැවසුවෙ       රහසක්

පෙම් බැඳි සිතකට ලංවී විඳ ගමු සුව            පහසක්

රන් මැණිකේ නුඹ සඳ වත ගෙන දෙයි හද    සිසිලක්

යන් පන්සල් පුදදෙමු හද බැතියෙන් සුදු        කුසුමන්

පින් පුරවමු මතු බවයෙත් ඉටු වන ලෙස      පැතුමන්

සිත් සතුටින් විඳ ගමු එකිනෙක උපදින       හැඟුමන්

කල් බලමින් ලැබගමු අවසන් දවසෙද           බුහුමන්

 ( තෙනෙත් ඡන්දස - දිගෝවිලි විරිත ඇසුරෙන් )

විරිතේ ස්වභාවය -

*එක් පාදයකට මාත්‍රා 22 කි. 

*පාදවල ලඝු හෝ ගුරු භේද නැත.  

*යතිය තැබිය යුතු ස්ථානයක් පිලිබඳ නිශ්චිත සදහනක් ද කර නැති විරිතකි. 

~~ ලියෝනි අමරතුංග - හැමිල්ටන් ~~

~*~*~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.