ලබමු මොහොතක සුවය - (ශනිදා දහයට)

ලන්ද පිරිමැද හමන           සිසිලස

වින්ද මුවඟට නැඟුනි          මදහස

පුෂ්ප සහසක් පිරුණු        තුරුහිස

දැක්ක සඳ සිත නිවුනි       සරතැස

තුරින් තුර ඉඟිලෙනා       සියොතුනි

සුමුදු මලකට පෙ'බැඳි        බඹරුනි

වෙරළ සිඹිනා බුබුළු        කැටියෙනි

තෙපි ගෙ තුට දැක මහද     පිබිඳුනි

එතැයි ඔහු මෙහි නුදුරු       දිනයක

රැගෙන සෙනෙහස තරමෙ  වියතක

විඳිමු හද රැඳි මිහිර            හමුවක

ලබමු මොහොතක සුවය     සුසුමක

( දොඹ විරිත ඇසුරෙන්)
මාත්‍රා 14 කි. 

~~ ලියෝනි අමරතුංග - හැමිල්ටන් ~~

~*~*~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - Sithiwili Manpetha බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.