අලුත ගෙනා මනමාලි 21

  කවි කතාව

 

 

පසුගිය කොටසෙන්.................

 මෙම බස අසා නැන්දත් නැත පසු        බැස්සේ
මගෙ ඇති වැරදි කීමට සැරසිය           සිත්සේ
දුවගෙන ආපි ගම්මුන් එකිනෙක           පස්සේ
සමහර ඈයො උන්දැට ණයටයි          කැස්සේ

21 කොටස  

"උඹගේ දුවත් වැඩ කෙරුමට හරි       හපනයි
කපුවා කියුවෙ එහෙමයි අපිටත්         ලැජ්ජයි
උයලා තියන්නට කීවේ එක                දවසයි
වනසා ගියේ කුස්සිය සිටි පැය            ටිකටයි"

දෙදෙනම එක්ව උණුසුම් ලෙස බැන      වැදිලා
ගමටම ඇසෙන්නට නින්දා ඇති            කරලා
හිමිනම ගමේ හනිකට එතනට             වැඩලා  
අනුශාසනා කෙරුවේ දුර දිග                 බලලා

ඇගෙ යටි සිතේ තිබු ඒකායන              පැතුම
ඉටුවිය ලැබුණි පුතුහට දේපොළ     බොහොම
තැවතිය නොහැක මුදනා ලෙස දුක       සුසුම
පිටකළ යුතුම විය දෙදෙනම ලෙස        නියම

නැන්දගෙ කපටි අරමුණු ඇත        ඉෂ්ටවෙලා
ඉන්නා තැනත් ඇත යමෙකුට        සින්නවෙලා
සන්සුන් සිතින් නිවසින් පිට         වෙන්නවෙලා
දොස් නගනුයේ කිම අපි දැන්        නෑයොවෙලා

මතු සම්බන්ධයි...... 

 

~~ ලියෝනි අමරතුංග ~~

~~~~~~

සේයාරූ අන්තර්ජාලයෙන් Google Images. - සියළු හිමිකම් මුල් හිමිකරුවන් සතුයි.