ටිකිර හා කැකුළි ගේ ආදර අන්දරය 10

 

 කවි කතාව

 

පසුගිය කොටසෙන්.................

ඉන්නේ  දැරිවි පියතුම  ලයෙහිම            ගුලිවී
දෙන්නේ කෙලෙස කට මැත දෙඩුමට       බියවී
යන්නේ එවිට ඇයගේ සිහිනය              බොඳවී
බැන්නේ සිතේ ඇති ආවේගය                 දැඩිවී

 

10 කොටස

දැරිවිගෙ පියා  හට බැන වැදි        කටකාර
කිසිදින කාටවත් නොනැමෙන        රණවීර
නොකැමති උනොත් දෙන්නට ඇය මනහාර
 බඳිනව කිව්වෙ බලයෙන් හරි        කරකාර  

එසැනින පියාගේ හිත කලබල          බැවින
සිතමින තමා සතු සම්පත ගැන      පෙමින
මතුවිය හැකියි සිතියැකි බාධක       මැදින
 කටයුතු කරනු කැමැතිව නිවසට      වැදින 

පණිවිඩ යවා ටිකිරා යලි              කැඳවාලා
මඟුලට කැමති බව සතුටින           පවසාලා
නැකතට රස කැවිලි මේසය          සකසාලා 
සුපැතුම කුසුමි සරසන්නයි           හැඩදාලා

  කැකුළිගෙ හිතේ  නැත කිසිවකු ටිකිර  හැරා  
අහසට හිනැහෙමින පියඹයි සිහින        පුරා
ටිකිරද දවස ඇරඹී පැය ගෙවෙන         තුරා
දහබිඳු හෙලයි මතු දියුණුවෙ පැතුම      දරා

මතු සම්බන්ධයි......

~~ ලියෝනි අමරතුංග ~~

~~~~~~

👈9 කොටසට

👉11 කොටසට

සේයාරූ අන්තර්ජාලයෙන් Google Images. - සියළු හිමිකම් මුල් හිමිකරුවන් සතුයි.