නෑනේ එළිය වනු දිවියට

හේනේ පැලේ රෑ තුන් යම ගෙවන           මට

තේරේ සෙනේ අඩුකම නොදෙඩුවද       කට

සීලේ බිඳී පැන්නත් මායිමෙ​හි                වැට

නෑනේ එළිය වනු දිවියට අඳුර               බට

දුටු මොහොතෙ ම​යි පෙම්පි​රි හදවත  දෑවේ

ලොවටම හොරා අමිලවු  සෙනෙහස   පෑවේ

එනිසයි හැ​ම විටදි බැහැදැකුමට        ආවේ

මියුලැස නොයනු පිටගම් නුඹ මගෙ      ජීවේ

තනිකම සිහින සිතුවිලි අතරෙම         පෑහේ

විරහව පොර බඳයි රෑ තුන්යම           පාහේ

සෙනෙහස දෝරෙ විත් නිල් නුවනත    වෑහේ

එය මතු දිවිය ගෙවනට හොඳටම      සෑහේ

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 

ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.