නෑනේ එළිය වනු දිවියට

හේනේ පැලේ රෑ තුන් යම ගෙවන           මට

තේරේ සෙනේ අඩුකම නොදෙඩුවද       කට

සීලේ බිඳී පැන්නත් මායිමෙ​හි                වැට

නෑනේ එළිය වනු දිවියට අඳුර               බට

දුටු මොහොතෙ ම​යි පෙම්පි​රි හදවත  දෑවේ

ලොවටම හොරා අමිලවු  සෙනෙහස   පෑවේ

එනිසයි හැ​ම විටදි බැහැදැකුමට        ආවේ

මියුලැස නොයනු පිටගම් නුඹ මගෙ      ජීවේ

තනිකම සිහින සිතුවිලි අතරෙම         පෑහේ

විරහව පොර බඳයි රෑ තුන්යම           පාහේ

සෙනෙහස දෝරෙ විත් නිල් නුවනත    වෑහේ

එය මතු දිවිය ගෙවනට හොඳටම      සෑහේ

~~ ලියෝනි අමරතුංග ~~

~~~~~~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.