සඳලතා 12

  සවන් දෙන්න රස විඳින්න ඔබත් ගයන්න...
මේ ඇගේ කතාවයි....

~~ සඳලතා ~~ 

12 කොටස

  අ..යි...යෝ..! සිටිමි කෙලෙසක දුක      දරාගෙන  
ඇය වැළපුනා නෙතු කඳුළැලි             පුරෝගෙන
පිටවුන පසුව රහසෙම ඔහු                පතාගෙන
මව සහ පියා සදහට නෙතු                පියාගෙන

කිසිවිට නොසිතුවද මේ ලෙස               දුරදිගට
ඇය දැන් මවකි, පියෙකුත් නැත          ළදරුවට 
කොහොමද මුහුණ දෙන්නේ ගම        වැසියනට
කල පව ගැන හැඟෙයි වැලපෙන         හදවතට

බිහිකර ලොවට හරවා රුහිරය                කිරට
ඇතිදැඩි කලේ විලසට සියපත                 සුමට 
රැකවල සදයි සමකර තම පණ                බිඳට
නොම දෙනු කඳුළ රුදුරුව මවකගෙ        නෙතට

මවකට මුවා වී දැඩි සෙනෙහස             පිදුවේ
නඟනට දිවිය සවි ඉණිමඟ  නිති          සැදුවේ
පියතුම නොවෙද පවුලක බැරි බර       දැරුවේ
එය නොම හැඳින කවුරුද ලොව ජය     දිනුවේ

ඉර හඳ සදිසි ආදර මව් පියන්                වෙත
නොම දෙනු දුකක් පමණින් වත් බැලුම්    නෙත
පිදුවිට දෙවිවරුන් සේ බැදි පෙමින්           සිත
නුඹලට නොවරදියි දරුවනි නොවන්         ලත

මගෙ කවි කතා රස විදි  හිතවත්           ඔබට
හද පතුලෙන්ම එන තුති පැසසුම්           එමට
පතමින රැකවරණ සහ දෙවියන්            පිහිට
හමුවමු මතු දිනෙක සමුගන්නම්             අදට

නිමි.

 

🌹මගේ කවි කතාව රස විඳිමින් මෙතක් මා හා රැදී සිටි ඔබ සැමට ස්තූතියි.
🌹මා හට වර්ණවත් පිට කවරයක් සකසා දෙමින් මට සහය දුන් රසාදරි යෙහෙළිය ට ස්තූතියි.
🌹 වැරදි අඩුපාඩු වගෙම අගය කරමින් මට දිරියක් වු මගෙ යහලු යෙහෙලි සැමටම ස්තුතියි.
🌹කවි ගායනයෙන් සහය දුන් මා මිතුරු රෝහණ දිසානායකට  ස්තූතියි.
🌹හරි වැරදි පෙන්වමින් මගේ දිවි පුරාවට මා රැකගන්නා මගේ ආදර සැමියා වන අසජ   අමරතුංග ටත් මගේ අවංක ස්තුතිය මම පිරිනමමි.

ස්තුතියි. 

~~ ලියෝනි අමරතුංග ~~