සවන් දෙන්න රස විඳින්න ඔබත් ගයන්න...
මේ ඇගේ කතාවයි....
~~ සඳලතා ~~
8 කොටස
ඔවදන එසේ වනමුත් ඔහු පිළිගන්නේ
නැත මතු දියුණ ගැන සිත කය වෙහෙසන්නේ
කෙලෙසද තවත් ජීවයකට පණදෙන්නේ
සිතමින දහස් වර මැරි මැරි උපදින්නේ
ඔහු හට නොමැත රැකියා වතු පිටි ජයට
එය වැටහුනේ ආවට පසුවයි ලඟට
මව හා පියා කොතෙකුත් කීවද ඇයට
නොදැනුනෙ තරුණ ආලයෙ ඇති අඳ කමට
සුරතල් හුරුබුහුටි කොලු පැටියෙකු ලැබිලා
නැවතත් ඔවුන්ගේ දිවි අරුතිනි පිරිලා
"විඳිමින් සතුට නැගිටිමු දියුණුව පතලා"
යනුවෙන් බිරිඳ මතුරයි දුරදිග බලලා
නිවසේ අනෙක විධ අඟ හිඟ මතුවන්නේ
දරුවා හඬන විට කොහොමද ඉවසන්නේ
කියනා දෙයක් නැත කනකට අරගන්නේ
උනනා කඳුළු කැට දෙකොපුල සිපගන්නේ
අඟ හිඟ දැනෙන විට ඇති පෙම පරව ගොසින්
නැති බැරි කමට දෙයි රිදුමන් වියරු වෙසින්
හැකිවිට ගෙවන්නට තම කල බොහොම තොසින්
එය වෙයි සතුට ලැබූ දිවියට තිළිණ ලෙසින්
මතු සම්බන්ධයි.........
~~ ලියෝනි අමරතුංග ~~
මුල් කවරයේ ගෞරවය මාගේ මිතුරිය රසාදරි ට.
No comments:
Post a Comment