අලුත ගෙනා මනමාලි 4

 

 කවි කතාව

 කවි කතාව

 

පසුගිය කොටසෙන්.................

පියතුම බොහොම අවිහින්සක පෙනුම         ගෙන
පසුවන අතර බිරිඳයි බලකනුව                   හෙන
ගෙදරද අපෙත් නැත වෙනසක් මෙයට         වෙන
නිරතුරු මවගෙ කීමට සැම දිනුම                දෙන

4 කොටස  

කොලුවද උසස් රැකියාවක නිරත                වනා
සැමදින ටයි පටිද පළඳා කොළඹ                 යනා
මෙවැනි වු තැනක් ලැබුනේ පෙර පිනට          විනා
එකඟයි මවගෙ තීරණයට සියළු                   දනා

මගෙ හද තුල සෙමෙන් ඇල්මක් මතු           කරන
       ඔහු සතු තේජසට ගත සලිතව                   තිබින       
විසිතුරු අනාගත සිහිනය හද                     දකින
විඳ තුටු වෙන්න කාලය ළඟ බව                හැඟින  

හැඩවැඩ වෙලා මංගල පෝරුව                 මතිනේ
වයමින රබන් ආසිරි චාමර                      සැලුනේ
ලොකු පොඩි සැමගෙ සැ'පැතුම් සෙනෙහස මැදිනේ
නැකතට නැන්ද මාමගෙ ගෙට ගොඩ         වැදුනේ

 හෙල සිරිතටයි වැඩිහිටි සැම සිත             සතුටයි
  මැදි කර සියලු කටයුතු ඉහලින                සපුරයි  
ගොඩ මඩ සරුව රන් ගොයමද සිරි          වඩවයි
නව යුග දිවියෙ ඇරඹුම සොම්නස            දනවයි

මතු සම්බන්ධයි...... 

 

~~ ලියෝනි අමරතුංග ~~

~~~~~~

සේයාරූ අන්තර්ජාලයෙන් Google Images. - සියළු හිමිකම් මුල් හිමිකරුවන් සතුයි.