අලුත ගෙනා මනමාලි 6

 කවි කතාව

 

පසුගිය කොටසෙන්................. 

 

හිමිසඳ නැවත සේවෙට යා යුතුය             කියා
අලුයම පිබිද ඔෆිසිය වෙත පිටව               ගියා
දෙඅතෙහි රැඳුනු දුරකථනය පසෙක          තියා
හනිකට දුන්නෙ පොත් කිහිපෙක නම්ද      ලියා

6 කොටස

ඔහු ගිය පසුව හද පාළුව සැරි            සැරුවේ
කල යුතු යමක් සොයමින් නෙතු දඟ  කෙරුවේ
තනිකම මකා ගත හැකි මඟකුයි         බැලුවේ
බැස යහනතින් රෙදි පිළි යලි යලි        නැමුවේ

  නැන්දද  මගෙම අම්මා ලෙස සමව        සිතා  
යන්නට සිතුන මුත් තුරුළට සෙනෙහෙ   පතා
නෙත්සර විදින රළු බුරුලක් නොමැති    ලතා
හින්දම නිහඬ බව රජවුනි නොකර       කතා

මුල් දින ටිකේ කිසි අවුලක් නොමැත      සැදී
තුන් වරුවටම බත මේසෙට ආවෙ          ඇදී
ඉන්පසු දිනෙක නැන්දම්මා  හනික         වැදී
කැන්දන ගියේ මුලුතැන් ගෙට ගලින       බැඳී

කරවිල කිරට වම්බටු මෝජුව             හදලා
කහ බත උයා පපඩම් ලාවට               බැදලා
සැලඩය කපා ඉස්සන් මිරිසට              හිඳලා
උයනට අණ කලේ දී බඩු ටික            මැනලා 

 

මතු සම්බන්ධයි...... 

 

~~ ලියෝනි අමරතුංග ~~

~~~~~~

👈 5 කොටසට

👉7 කොටසට

සේයාරූ අන්තර්ජාලයෙන් Google Images. - සියළු හිමිකම් මුල් හිමිකරුවන් සතුයි.