ටිකිර හා කැකුළි ගේ ආදර අන්දරය 9

 

 කවි කතාව

 

පසුගිය කොටසෙන්.................

කඩිසර කම ද දෑතේ වැඩ නැත            නිම්මා
නිසි කල  තවානට වග බෝගද             දැම්මා
එය දුටු පියාගේ සිත මෙකෙලව            නම්මා
  ගැනුමට සමත් විය තව කුමටද            බුම්මා   

9 කොටස 

අසනට ලැබුණු තොරතුරු රණවීර          වෙත
කලබල කෙරුවෙ ඔහුගේ දා..මරික            සිත
කඩිසර නොවුන හොත් ගන්නට ඇය ගෙ    අත
බැරිවනු හැඩයි දැනි හදවත වුනිය             ලත

     නරකය කැකුළි ගැන සිතමින      ලතවෙන්නේ  
      හද තුල නොරිස්සුම දැඩි ලෙස        දළුලන්නේ    
        නිතරම වහසි බස් දොඩමින          පසුවෙන්නේ      
 තිර අදිටන ඇතිව පෙර මඟ            රැකඉන්නේ

කුඹුරට රණය ගියෙ අප්පච්චිව            දැකලා
පවසනු පිණිස ඇති ආලය හද               පිරිලා
"දැමුවද ගඟට මගෙ දරුවා පෙති          කපලා
තොප හට නොදෙමි" කීවේ හඬ දැඩි     කරලා

ඉන්නේ  දැරිවි පියතුම  ලයෙහිම            ගුලිවී
දෙන්නේ කෙලෙස කට මැත දෙඩුමට       බියවී
යන්නේ එවිට ඇයගේ සිහිනය              බොඳවී
 බැන්නේ සිතෙහි  ඇති ආවේගය               දැඩිවී 

මතු සම්බන්ධයි......

👈8 කොටසට

👉10 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.

ටිකිර හා කැකුළි ගේ ආදර අන්දරය 8

 කවි කතාව

 

පසුගිය කොටසෙන්.................

ටිකිරගෙ හේන පසු කරගෙන යන           අතර
මදකට ඔහුගෙ රුව සොයමින විය         නතර
දුටුකල එයා වැට අද්දර උණ                   පඳුර
   ඉවතට ගියේ හද කළඹන මද                   අඳුර   

8 කොටස 

"මවපිය රුදුරු වී අහිතක් වන්ට                එපා
සුපිපුණු කැකුළු කිසිවක් පරවෙන්ට           එපා 
ඇළ දොළ සිඳී ඉන් නපුරක් වෙන්ට             එපා 
සෙනෙහෙට අපේ කණ කොක් හැඬවෙන්ට  එපා”

අදරැති මව්පියන් අකමැති වෙතැයි           සිතු
ඇය වැලපුනේ උණු කඳුළැලි පිරුනු         නෙතූ
දිවියට ඇගේ ටිකිරම ලැබ ගනිමි             පැතූ
දිව රැය බුදුන් පිදුවේ මල් දමිනි              ගෙතු

සිටිවිට රිදී හිරු අබරේ                 හිනැහෙමින
ටිකිරව දුටුවෙ මුව මදහස                රඳවමින
අලසව නොවේ වෙහෙසව පස         පෙරලමින
රළු වුන  පියාගේ  තුන් සිත               පහදමින

කඩිසර කම ද දෑතේ වැඩ නැත            නිම්මා
නිසි කල  තවානට වග බෝගද             දැම්මා
එය දුටු පියාගේ සිත මෙකෙලව            නම්මා
ගැනුමට සමත් විය තව කුමටද            බුම්මා

 මතු සම්බන්ධයි...... 

👈 7 කොටසට

👉9 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.

ටිකිර හා කැකුළි ගේ ආදර අන්දරය 7

 

 කවි කතාව

 

පසුගිය කොටසෙන්.................

බොළඳිය ලපටි සුකුමාලිය                   දඟකාර
බඩවැටි පුරා දුව පැන ගිය                 හැඩකාර
පැල වෙත රැගෙන යන්නට බැඳ          කරකාර
   අදිටන ඇතුව ගියෙ හිත තුල               තිරසාර   

 7 කොටස 

කැකුළිද මනාපය ඒ ලෙන්ගතු                 හදට
සියොළඟ සැලෙයි දැන් දැන්  නුපුරුදු      කමට
පියතුම දරන මතයන් නොමවෙයි           සුමට
ඇය ලත වුනා පිට දී උළුවහු                    බඳට

  "සිඟිති කලේ වැලි කෙළියේ හිඹුටු         කැලේ      
බොළඳ වියේ එතුනේ රස පිරුණු            දැලේ  
නුදුරු දිනේ නැවතී සුව සැඳුණු               පැලේ
විඳිමි රසේ පිහිනා පෙම් කිඳුරු               විලේ "

වතුසුදු  සමන් මල් අරලිය                 හැඩකාරි
විකසිත වෙමින් කළඹයි මන               දඟකාරි
එළඹෙන දිනෙක වී ඔහු ගෙම               සහකාරි
        සුපැතුම වීමටයි ඒ හදෙ                      හිමිකාරි         
                            
ටිකිරගෙ හේන පසු කරගෙන යන           අතර
මදකට ඔහුගෙ රුව සොයමින විය         නතර
 දුටුකල එයා වැට අද්දර උණ                  පඳුර
  ඉවතට ඇදී ගියෙ හද කළඹන                  අඳුර  

 මතු සම්බන්ධයි...... 

👈 6 කොටසට

👉8 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.

ටිකිර හා කැකුළි ගේ ආදර අන්දරය 6

 

 කවි කතාව

 

පසුගිය කොටසෙන්.................

රකුසෙකු පරිදි රළු පෙනුමැති නැති        පිරිය
රණයද  සිතයි කරගන්නට ඇය             බිරිය
කිසිදෙය නොදත් අවිහිංසක  පොඩි        දැරිය
දුව පැන නටයි හැඩ කරමින  දිගු         නෙරිය 

 6 කොටස 

නපුරගෙ ඇසද ඇය වෙත නිතරම            රැඳුන
බව දැක  මිතුරු කැල ටිකිරට හිත            ඇදුන
දෙන අවවාද  පිළි  අරගෙන  හිස              මුදුන
පැලවෙත දෙපිය නැගුවා හද බැඳි              ලඳුන

"යල මහ දෙකම සරුසාරව                 පිබිදේවා
  අටු කොටු පුරා වී අස්වනු                    ඉතිරේවා
ගිරවිය තුඩ'ග මී අම රස                  තැවරේවා
 දිවි ඇති තුරා නුඹ මගෙ බිරිය  ම            වේවා "

පින්වත් සොඳුරු සිතිවිල්ලෙන් හද            පුරවා
රන්වන්  පබළු මාලයකුත් ඉන                සඟවා
තිස්තුන් කෝටියක් දෙවිවරු සිහි            කරවා
පෙම්හිත් ඇතිව ඇගෙ පැල වෙත පය     තැබුවා

බොළඳිය ලපටි සුකුමාලිය                  දඟකාර
බඩවැටි පුරා දුව පැන ගිය                 හැඩකාර
පැල වෙත රැගෙන යන්නට බැඳ         කරකාර
 අදිටන ඇතුව ගියෙ හිත තුල               තිරසාර 

 මතු සම්බන්ධයි...... 

👈 5 කොටසට

👉7 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.

ටිකිර හා කැකුළි ගේ ආදර අන්දරය 5

 කවි කතාව

පසුගිය කොටසෙන්.................

ඇඳි වත දිළෙන මුත් හැමවිට සුදට          සුදේ
හද තුල අඳුරු පැහැ ගන්වන කහට         බැඳේ
 නැත වගතුවක් දුටුවිට රිවි වඩින             උදේ
මොහු ගැන ගමේ නොයෙකුත් කට කතා  හැදේ

 5 කොටස 

සැමටම වින කටින රණයගෙ රුදුරු         නඩේ
දිවි සරි කලේ සිදු කරමින අනිසි              වැඩේ
පැතිරුණ කංස යායකි ගම් පියස             අඩේ
විමනකි නොදනි ඉන් පිට ඇති ලොවක     හැඩේ
       
තම බල යොදා කොළු ගැටයන් ගෙන       ලඟට
නොමිලෙම වැඩ ගනියි යටකර අණ        සකට
දෙඩුවද කිසිදු වදනක් ඔවුනට              නොපිට
විඳිනට වේය දඬුවම් අසරණ                  කමට 

කරදඬු මහත් වී පිබිදෙන තරුණ            කැළ 
රැකගත යුතුය සැමවිට විෂ දැලෙනි          බල
දුදන ගෙ රළු ගැහැට ඉවසිය නොහැකි      කල
මිණිවත රැකිය යුතු විය තම ගෙපැල       තුල

රකුසෙකු පරිදි රළු පෙනුමැති නැති        පිරිය
රණයද  සිතයි කරගන්නට ඇය             බිරිය
කිසිදෙය නොදත් අවිහිංසක  පොඩි        දැරිය
දුව පැන නටයි හැඩ කරමින  දිගු         නෙරිය 

 මතු සම්බන්ධයි...... 

👈 4 කොටසට

👉6 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.

ටිකිර හා කැකුළි ගේ ආදර අන්දරය 4

 

 කවි කතාව

පසුගිය කොටසෙන්.................

 ටිකිරද නිතර ඇය දෙස හොරැහිනි         බැලුවේ
සැමවිට දෙදෙන නෙතු කැල්මෙනි ඉඟි     මැරුවේ
 ගුවනට හදවතේ සුසුමන් මුසු                කෙරුවේ 
මෙලෙසයි සොඳුරු ආලයකට මුල            පිරුවේ

 4 කොටස 

දවසක් ඇවිද යනවිට අන්දර                කැලයේ
ටිකිරත් තුටිනි ඇය එන පෙර මඟ           සිටියේ
සුහුඹුල් නෙතින් මිඳුනා වූ ඒ                    ඉඟියේ
 රසවත් ලතාවකි දෙහදක දොර            හැරියේ

සරතැස නිවාගත් මුවරැළ රඟති             කැලේ
සැළලිහිණියන් පියඹති නිල් ගගන            තලේ
කිරිවැදි බන්ඩි ගොයමද රන් රුවට            දිළේ 
සුසිනිඳු සුව දැනී මොවුනගෙ ප්‍රේම           දැලේ

කුපිතව මෙදෙස නෙත හෙළනා උකුසු       ඇස
  ගමවිසු සැවොම අමතයි රණවීර              ලෙස  
යන දඬු මොණරයෙන් නිතරම හරිම          වස
කොලුවෙකි කිසිත් නැත දඟ වැඩ කරනු     මිස 

ඇඳි වත දිළෙන මුත් හැමවිට සුදට         සුදේ
හද තුල අඳුරු පැහැ ගන්වන කහට        බැඳේ
 නැත වගතුවක් දුටුවිට රිවි වඩින            උදේ
මොහු ගැන ගමේ නොයෙකුත් කට කතා  හැදේ

 මතු සම්බන්ධයි...... 

👈3 කොටසට

👉5 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.