ටිකිර හා කැකුළි ගේ ආදර අන්දරය 3

 

 කවි කතාව

පසුගිය කොටසෙන්.................

     මදමුදු පවන රඟදෙයි තුරු හිස          සිඹිමින්     
නළලත කියඹු වැල් නළියයි  කිති        කවමින්
සැඟවුණ මතකයන් පිබිදෙයි රස         මවමින්
සැතපෙයි හදවතේ ඇය සෙනෙහස       විඳිමින් 

  3 කොටස 

 හින්නී සන්දියේ සිට දැන                  හඳුනන්නේ
ලන්දේ හේනෙ ඇය දුව පැන              ඇවිදින්නේ
බැන්දූ මිතුරුදම ආලෙට                පෙරලෙන්නේ
මන්දෝ ටිකිර බහ දෙනතුරු          ලතැවෙන්නේ

 දිනයෙක එදා අප්පච්චිට ඇඹුල                බැඳන්
  ගිය'යුරු පුංචි මල් ඉහිරුන රෙද්ද              ඇඳන් 
 ගෙල බැඳි මුතු පොටේ හැඩරුව නෙතෙහි    රඳන්
  සුකොමළ බැලුම් හෙළු හැටි  දුර ඈත          ඉඳන් 

කෙළි සෙල්ලමින් ගෙව් ඒ ඉමිහිරි             බාලේ
වෙනුවට ඇතේ නෙතු යුග අයදින             ආලේ
විළියක එතී හිනැහෙන දෙහදක               සීලේ
 බිඳිමින නුහුරු හැඟුමන් පිබිඳෙන              ලීලේ 

ටිකිරද නිතර ඇය දෙස හොරැහිනි          බැලුවේ
සැමවිට දෙදෙන නෙතු කැල්මෙනි ඉඟි     මැරුවේ
 ගුවනට හදවතේ සුසුමන් මුසු                කෙරුවේ 
මෙලෙසයි සොඳුරු ආලයකට මුල            පිරුවේ

 මතු සම්බන්ධයි...... 

👈2 කොටසට

👉4 කොටසට

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.
Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.