අලුත ගෙනා මනමාලි 24

  කවි කතාව

 

 

පසුගිය කොටසෙන්.................

 ඉඳුනිල මගේ යහ ගතිගුණ පිරුණ         ඉතා
 කිසිදින කෙනෙකු ගෙන් නපුරක අයුතු    කතා
අහගනු නොදී නිවසෙහි රන් පහන        සිතා
රැකගමි ඔවා දෙමි දියුණුවෙ අසිරි        පතා

 

24 කොටස
(අවසාන කොටස)

මගෙ දිවි සයුරෙ දින මෙලෙසයි ගත  කෙරුනේ
  මඟ දිග සතුටෙ, ශෝකයෙ රළ විලි      නැගුනේ  
  සැමටම ඔවදනක් දෙනු පහපති           හැඟුනේ  
අලසව කල් නොමර දිවි ජය ගනු        සොඳිනේ

රසවත් බතක් හොද්දක් උයලා               කන්න
දැනුමක් නැතිව රෙදි පිළි සකසා              ලන්න
  දරුවන් සැවොම මේ ටික වටහා              ගන්න  
ගියහොත් සරණ අසරණ වෙනවා          ඔන්න

  අඩුවක් නොකර දෑතේ වැඩ               හුරුවන්න  
බොරුවක් පෙරටු කොට සරණෙක   නොමයන්න
තනුවක් වෙමින දිවි මංසල                ජයගන්න 
     පහනක් විලස ආලෝකය                   පතුරන්න     

 මගෙ හිත මිතුරු සැම සමවන            මිණිසේම  
රැකදෙනු මැනවි ලොව පාලන           දෙවියෝම
නැවතද දිනෙක හමුවන්නට                 පතලාම
      සමුගමි අදට අත් එක්කර                    වැදලාම 🙏

නිමි.

💘      ඉතින් සමුගන්න දෙන්න අවසර ......

 

💘   මා විසින් උත්තම පුරුෂ දෘෂ්ටි කෝණයෙන් ඉදිරිපත් කරන ලද " අලුත ගෙනා මනමාලි " කවි කතාව මෙසේ නිමා කරමි. 

 
 
💘    මගේ කවි කතාව රස විඳිමින් මෙතක් මා හා රැදී සිටි ඔබ සැමට ස්තූතියි. 



 

💘    කමෙන්ට්ස්, ලයික් දමමින් හා පෞද්ගලිකව අදහස් හුවමාරු කරගනිමින් මා දිරිමත් කල ඔබ සැමටම ස්තූතියි. 



 

💘 මෙම කතාවේ අඩුපාඩු පෙන්වමින්, මගේ දිවි පුරාවට මා රැකගනිමින් හා මෙවැනි නිර්මාණ කිරීමට අත්වැලක් වෙමින් මට දිරියක් වන මගේ ආදර සැමියා වන අසජ අමරතුංග ටත් මගේ අවංක ස්තුතිය මම පිරිනමමි. 



 

💘 ඔබ සැමට ස්තුතියි හදවතින් ම .

~~ මම ලියෝනි අමරතුංග ~~
 2022 වසර ජූනි මස 24 දින.
කැනඩාවේ සිට. 
 

~~~~~~

👈 1 කොටසට 

👉 23 කොටසට  

සේයාරූ අන්තර්ජාලයෙන් Google Images. - සියළු හිමිකම් මුල් හිමිකරුවන් සතුයි.