Friday, November 13, 2020

සඳලතා 3

සවන් දෙන්න රස විඳින්න ඔබත් ගයන්න...
මේ ඇගේ කතාවයි....

~~ සඳලතා ~~



 

3 කොටස


විහිදන මුදු සුවඳ විකසිත වුනු                කුසුම
එදෙසට ඇදෙයි බඹරුන්   නොමවෙනු        පුදුම
ඔවුනට දැනුනි ළය සිරකල එම                 රිදුම
සෙනෙහස මුසුව උපදින සුසිනිදු               සුසුම

ගිරවුනි ලිහිණියනි ගගනේ සරන            රුවේ
පැහැබර ඵල වැලින් හෙබි පෙම් සිහින   ලොවේ
දැනුනිද තුරුණු හදවත විඳි නිමල           සුවේ
තුරුළක පහස දැනි සිතිවිලි මිලින        නොවේ

ආලෙට බැඳුනු සිව් මසකුදු            එළබෙන්නා
සාලිය අශෝකා මාලා මෙනි                දෙන්නා
සාගර පරදනා ලෙස සෙනෙහස          පෙන්නා
ආදර සොඳුරිගෙන් මෙලෙසට          විමසන්නා

“ හිතෙනව එතෙර රැකියාවක      නියැලෙන්න 
අදහස ඔබේ නොපැකිල මට             පවසන්න”
එනමුදු ඇගේ සිත නැහැ මෙහි          තනිවන්න
කැමතියි වගේ ඔහු තුරුළෙම        නැළැවෙන්න

  කාලය ගෙවෙන සඳ මෙලෙසට        නොදැනීම  
මෝරන සෙනෙහෙ පිබිඳුණි හද         පතුලේම
ආගිය මගෙහි සුරතෙහි වෙලි            සිතුසේම
පාවෙන සිහින මත කිමිදුණි             රහසේම


මතු සම්බන්ධයි.........


~~ ලියෝනි අමරතුංග ~~

ගායන සහය රෝහණ දිසානායක
මුල් කවරයේ ගෞරවය මාගේ මිතුරිය රසාදරි ට.


Posted by at
Labels:

2 comments:

  1. Asaja AmaratungaNovember 14, 2020 at 8:18 PM

    පාවෙන සිහින මත කිමිඳුණි රහසේම. එතන විස්තර කරල තියෙන විදිහ ලස්සනයි.
    සුභ පැතුම්. දිගටම ලියන්න.

    ReplyDelete

Subscribe to: Post Comments (Atom)

Subject to copyright.

සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - Sithiwili Manpetha බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතියි පුද කරමි.