සවන් දෙන්න රස විඳින්න ඔබත් ගයන්න...
මේ ඇගේ කතාවයි....
සඳලතා
1 කොටස
හද පිරි තුටින් ඔබ සැම දෙන පිළිගන්නේ
සැම දෙවි නැමද මුලසුන අද හොබවන්නේ
ඇගෙ දිවි ගමනෙ රස තොරතුරු ගෙනඑන්නේ
හොඳ හැටි යොමා දෙසවන එය විඳගන්නේ
සුපතල තැනකි බැද්දේගම හෙල දෙරණ
වැජබෙන කුඩා පවුලකි සැම දැන හැඳින
නිලමෙද ටිකිරි මැණිකා ගෙද ලොව දිලෙන
දුව සඳලතා වෙයි නිවසට සිරි ගෙනෙන
හොඳ හැදියාව සංවර කම ඇත පිරිලා
තෙපලන වදන් ගෙයි මිදුලට නැත ඇහිලා
පහලට හැලෙන ගවුමද දණඉස වැහිලා
කදිමට පීරලා දිගු වරලස ගොතලා
අහවර කර සිටියි පාසැල් විය සොඳුරු
ඔසවයි දෙපා ලොව වෙත මල් කෙමි ඇතිරු
කළඹන කලට සිතිවිලි හද තුළ නුහුරු
මදහස නැගෙයි දෙතොලට නොසිතන අයුරු
මතු සම්බන්ධයි.........
~~ ලියෝනි අමරතුංග ~~
මුල් කවරයේ ගෞරවය මාගේ මිතුරිය රසාදරි ට.
කතාව ලස්සනයි.
ReplyDeleteබොහොම ස්තුතියි අසජ.
Delete