ආදර අම්මා
මව්වරුන්ගේ දිනයේ ආදර අම්මා සිහිකරමි ආදරෙන්
දස මාසයක් කුස තුළ බඳිමින පවුරු
රැක සනසවා ගයමින් ගී රස මියුරු
පිදු සෙනෙහසින් හද තුළ ගුණ කඳ තැවරු
මගෙ ලොව රැජින අම්මේ ඔබ මිස කවුරු
යලි යලි පෙරට තබනට පා පොඩි සුමට
වැටි වැටි නැගිටි පෙරදින අත දී මෙමට
දින දින වැඩෙන'යුරු දැක ඉපිලෙන සතුට
විඳ විඳ තුරුළු කර ගත්තේ නුඹෙ ළයට
පෙළු අපමණ ගැහැට මැද පිස දුක කඳුළ
ඔබ වැළපුනා රහසේ තනිවම එකල
අසරණ දිවිය සඟවා හදවත පතුල
සිහි වෙයි අනඟි ඔවදන් අදරින තෙපල
සමුගෙන ගියද තනිකර ලෙන්ගතු හදවත්
සිහියට නැගෙයි අදරැති මුදු වත සිපගත්
දෙනෙතට බරය ඉනු උණු කඳුලැලි තවමත්
මගෙ මව වනු මැනවි මතු උපදින සසරෙත්
දස මාසයක් කුස තුළ බඳිමින පවුරු
රැක සනසවා ගයමින් ගී රස මියුරු
පිදු සෙනෙහසින් හද තුළ ගුණ කඳ තැවරු
මගෙ ලොව රැජින අම්මේ ඔබ මිස කවුරු
යලි යලි පෙරට තබනට පා පොඩි සුමට
වැටි වැටි නැගිටි පෙරදින අත දී මෙමට
දින දින වැඩෙන'යුරු දැක ඉපිලෙන සතුට
විඳ විඳ තුරුළු කර ගත්තේ නුඹෙ ළයට
පෙළු අපමණ ගැහැට මැද පිස දුක කඳුළ
ඔබ වැළපුනා රහසේ තනිවම එකල
අසරණ දිවිය සඟවා හදවත පතුල
සිහි වෙයි අනඟි ඔවදන් අදරින තෙපල
සමුගෙන ගියද තනිකර ලෙන්ගතු හදවත්
සිහියට නැගෙයි අදරැති මුදු වත සිපගත්
දෙනෙතට බරය ඉනු උණු කඳුලැලි තවමත්
මගෙ මව වනු මැනවි මතු උපදින සසරෙත්
~~ ලියෝනි අමරතුංග ~~
~~~~~~
No comments:
Post a Comment