ප්‍රිය සොඳුරිය මා ළඟය...

සඳ එළියෙන් මැවෙන රූප සිතුවම් කරන්න
මටම හීලෑ නැති මගේ තෙලිතුඩ
මඟ බලාගෙන හිටියේ
හරිම ආසාවෙන්...
ඒත්......
අද නම් බැරි වෙයි.
දන්නවාද ඒ රහස
ප්‍රිය සොඳුරිය මා ළඟය....

 

මගෙ  සිතිවිලි දඟය

 සඳ එළියෙන් මැවෙන රූපන හරි           අගය  
ඇත හිත නඟන්නට සිතුවම  එහි          රඟය 
බැහැ මඟ හරින්නට දැනි සිතිවිලි          දඟය
නැත ඉඩකඩක් ප්‍රිය සොඳුරිය මා          ළඟය

මිටකින් මුදාහල ඇගෙ මුදු         කෙහෙරැල්ල
සැනෙකින් විසිර ගොස් කරනා        දැඟලිල්ල
ගැටෙමින් කොපුල් තල මත ලැබ    සැනසිල්ල
හැඟුමන් පුබුදුවයි බිඳ හද               ඉවසිල්ල 

~~ ලියෝනි අමරතුංග හැමිල්ටන්~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.