සුසුම් රැළි

සුසුම් රැළි

හොර රහසෙ සැඟව සිට        පපුතුරේ

දුක කඳුළ හා මුසුව               දිගහැරේ

මද පවන් පොදක නැග          නිරතුරේ

 සැරි සරයි දස අතෙහි            සුමිතුරේ 

පෙළන විට සිත දවන           සිතිවිල්ල

මතුව එයි නෙතු පොඟන      කඳුලැල්ල

නගනු කිම දුක සමඟ           මැසිවිල්ල

නුඹය මා සතු එකම            සැනසිල්ල

නොදැක සැනසෙමි කෙලෙ​ස හිනැහිලා

හිඳිනු මැන හද ලෙනෙහි       සැතපිලා

ඉඳල හිට කනට කර           කොඳුරලා

කියනු බැඳි සෙනෙහෙ ඇති    සැඟවිලා

( ගජ ඦන්දස - සදොල්කෙළි විරිත ඇසුරෙන් )

~~ ලියෝනි අමරතුංග ~~

~*~*~

සේයාරූ අන්තර්ජාලයෙන් Google Images, - සියළු හිමිකම් මුල් හිමිකරුවන් සතුයි.

Subject to copyright.

සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - Sithiwili Manpetha බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතියි පුද කරමි.