හැඟුමක වග
මෝදු වන තරු රෑන වටකොට කෝල ලෙස නුබ වැතිරිලා
නීල නෙතු ඉඟි පාන අරුමෙය කීවෙ සිතිවිලි අතුරලා
සීත රැයකට මාන බලමින රාග බඹරිදු තටුසලා
රේණු සිප නොම තලා පෙති පෙම් ගීය කොඳුරයි දැවටිලා
~~ ලියෝනි අමරතුංග ~~
~~~~~~
පැතුම
දෙනෙත උහුලන උණු කඳුළු පෙර මඟ බලන සඳ බොඳවෙලා
හඬමි මතකයෙ ලැගුම් ගත් ඉමිහිරි අතීතය සිහිවෙලා
විඳිමි රැය දුටු සිහිනයෙන් ගෑ සුවඳ තුරුළට ගුලිවෙලා
දිනෙක සැනසෙමු සුව කැදැල්ලක නොයන කිසිදින සැඟවෙලා
~~ ලියෝනි අමරතුංග ~~
~~~~~~
පින්තූරය සැකසුම ප්රියන්ත ඩෙනිල් විසිනි. බොහොම ස්තුතියි ප්රියන්ත.
මතකය අතරින්
~~ ලියෝනි අමරතුංග ~~
~~~~~~
දයා සුව රැඳුනු සෙහෙනස සොයා වෙහෙසුනේ
කියා ගනු නොහැකි සිතිවිලි ළයේ තෙරපුනේ
නිමා නැති කඳුළු අරණක මෙමා තනිවුනේ
හඹා එනු නොහැකි දුරකය ඔයා සැඟවුනේ
(රවුළු ඡන්දසට අයත් වියන් නම් වූ විරිත ඇසුරෙනි)
~~ ලියෝනි අමරතුංග ~~
විරිතේ ස්වභාවය එලු සඳස් ලකුණෙහි අර්ථ ගන්වා ඇති යුරු..
විසි මතෙකින් බඳ
ලුහුගුරු නියම් නැති කොට
වියන් නම් විරිත් වේ
නිදසුන් මෙසේ දන්නේ
