සෙනෙහෙ මල් සුවඳ - (ශනිදා දහයට)

මල වට රැඟු  මත්   බිඟුසේ

සිඹ සිඹ රොණ ගනිති  රිසේ

යලි යලි තුට විඳ       රිසිසේ

​පැනයයි උන් හොර   රහසේ

දුව පහනකි අප         නිවසේ

දිළි දිළි සුව විඳි      මිණි සේ

තැන තැන යන සිත    රහසේ

රැකගනු පුත තම     පණ සේ

මතුවී උණු කඳුළු       නෙතේ

ටික ටික හද දවනු      ඇතේ

දින දින පිපි මල්         දසතේ

පොඩිකර උන් සැඟව    යතේ

(උතු ඡන්දස - යොන්මත්වැල විරිත ඇසුරෙන්)

~~ ලියෝනි අමරතුංග - හැමිල්ටන් ~~

~*~*~

මගේ නිර්මාණය ඔබේ හදවතට දැනුණේ කෙසේද? 
ඔබගේ අදහස් සහ ප්‍රතිචාර මගේ මීළඟ නිර්මාණයට විශාල ශක්තියකි. 

❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦ ❦❦ ❦ 

Subject to copyright.
සියලු හිමිකම් ලියෝනි අමරතුංග ( Leoni Amaratunga ) සතුය. සිතිවිලි මංපෙත - https://sithiwilimanpetha.blogspot.com/  බ්ලොග් අඩවියේ යොමුව සඳහන් කර හෝ ලියෝනි අමරතුංග යන නමින් පමණක් මෙහි ලිපි උපුටා පළ කරන්නට අවසර තිබේ. මෙහි පලවන කවි, කවි කතා හා වෙනත් සියළුම ලිපි මගේ පෞද්ගලික නිර්මාණ හා අදහස් පමණි. මගේ නිර්මාණ සම්බන්ධයෙන් ඔබ ඉදිරිපත් කරන ඕනෑම ප්‍රතිචාරයක් මෙහි පල කරනු ලැබේ. මගේ සිතිවිලි මංපෙත - Sithiwili Manpetha බ්ලොගයට ගොඩ වදින ඔබ සියලු දෙනාට ම මගේ ආදර ස්තූතිය පුද කරමි.